Починати МК |

Последен поздрав на штипскиот музичар

Баже Панев – Аре
1972-2024

На 52 годишна возраст, во Јоханесбург, Јужна Африка, почина членот на групата Arre Brothers Band. Нека му е свтол патот кон вечноста.

ПОСЛЕДЕН ПОЗДРАВ, oбјавено на: 31.10.2024 во 0:52

Последен поздрав почитуван професоре

Д-р. Војо Беловски
04.04.1955-26.10.2024

Влијанието на Војо Беловски врз студентите, колегите и пошироката заедница е непроценливо. Изразуваме најдлабоко сочувство до семејството, пријателите и колегите. Нека почива во мир, ќе остане вечно запаметен.

Универзитет “Гоце Делчев” – Штип

ПОСЛЕДЕН ПОЗДРАВ, oбјавено на: 29.10.2024 во 13:17

Помина една година без тебе мила бабо

ГОРИЦА СТОШИЋ
10.10.1939-21.10.2023

Времето поминува, спомените остануваат. Секој ден се сеќаваме на тебе. Беше најдобрата баба на светот, ни остави само најубави сеќавања и вечно сме ти благодарни за љубовта што ни ја пружи. Нека ти е светол патот до вечноста.

Со љубов и незаборав, од внуците

ПОМЕН, oбјавено на: 24.10.2024 во 14:25

Последен поздрав

Јабланка Веселиновска
1945-2024

Почина на 79 години. Со децении беше една од најдобрите професори во Гимназијата „Кирил Пејчиновиќ“ во Тетово. Почивај во мир, сеќавањето ќе биде вечно.

Жителите на Вратница

ПОСЛЕДЕН ПОЗДРАВ, oбјавено на: 24.10.2024 во 12:52

Почина познатиот композитор

Љупчо Константинов
11.12.1946-17.10.2024

Љупчо во 2023 година ја доби највисоката државната награда „11 Октомври“ за животно дело, како и наградата Златен објектив за 2023, која ја доделува Кинотеката на Македонија. Во 2019 ја доби наградата Голема ѕвезда на македонскиот филм на фестивалот „Браќа Манаки“ во Битола. Неговата авторска музика се смета за македонско музичко богатство.

Почивај во мир

ЖАЛНА ВЕСТ, oбјавено на: 17.10.2024 во 23:54

17 години непребол, никогаш заборавен

Тоше Проески
25.01.1981-16.10.2007

„Верувам во Господ и можам само да му се заблагодарам за дарот што го имам, бидејќи тоа што го работам го сметам за мисија што тој ја извршува преку мене. Јас сум само марионета. Исус беше распнат за луѓето. Луѓе блиски до себе. И денес добрите и успешните луѓе се распнати од блиските. На сите ни се случува. И на мене. Но, не сум разочаран. Напротив, мислам дека тоа е во човечката природа. Се обидувам да им дадам до знаење дека не треба да го следиме примерот на луѓето кои го предадоа Исус. А квалитетните луѓе, луѓето кои отскокнуваат, се распнати. Уметници, спортисти… Чекаме прво да станат познати во светот, па дури потоа овде признаваме дека се навистина нешто посебно. Тоа се случува редовно“.

-Тоше Проески, за Бога

ПОМЕН, oбјавено на: 16.10.2024 во 22:12

Почина на ден 14.10.2024

Славомир Маринковиќ
1937-2024

Почина еден од основачите на весникот „Вечер“. Ценет новинар, публицист, преведувач, автор, коавтор и редактор на монографии, биографии, лексикони, речници и енциклопедии. Беше и добитник на наградата „Крсте Мисирков“ за новинарство (1970).
Почивај во мир.

ЖАЛНА ВЕСТ, oбјавено на: 15.10.2024 во 14:53

Последен поздрав

Проф. д-р.Љубиша Монев
06.10.2024

Факултетот изгуби ценет и признат професор, кој со својот труд и залагање придонесе за поголема препознатливост на Економскиот факултет – Скопје, како високообразовна институција во земјата и надвор од неа. Неговиот лик на беспрекорен професор ќе остане во трајно сеќавање.

Универзитет ,,Св. Кирил и Методиј“ – Скопје

ПОСЛЕДЕН ПОЗДРАВ, oбјавено на: 09.10.2024 во 14:37

Почина еден од најреномираните македонски поети, прозаист и преведувач

Михаил Ренџов
25.08.1036-08.10.2024

„Животот е како вруток. А, врутокот е во детството и младоста, доба исполнета со забава. Токму тоа време е основа на творештвото на секој автор. Секој човек, па и поетот, е како испосник, кој во себе го носи тоа време и додека е жив, создава и твори. Затоа, само детсвото и младоста не се забораваат“ Почивај во мир, нека ти е лесна земјата.

ПОСЛЕДЕН ПОЗДРАВ, oбјавено на: 09.10.2024 во 12:09

Почина најстариот народен херој на поранешна Југославија

Петар Матиќ Дуле
06.07.1920-04.10.2024

На 104-годишна возраст почина последниот народен херој на поранешна Југославија, командантот на Сремскиот партизански одред, а потоа и на Шестата војводинска бригада, генерал-потполковник Петар Матиќ Дуле од поранешната ЈНА. Роден во Ириг во богато земјоделско семејство, основно училиште завршил во родниот град и се занимавал со земјоделство до почетокот на Втората светска војна. Во август 1941 година тој бил задолжен за прифаќање на комунистите кои избегале од затворот во Сремска Митровица. Кога бил формирана Иришката партизанска чета, тој станал нејзин прв политички комесар. Почивај во мир хероју.

ПОСЛЕДЕН ПОЗДРАВ, oбјавено на: 07.10.2024 во 14:15

Се вчитува...