Oбјави во град Full

ПОСЛЕДЕН ПОЗДРАВ

Метрополит Тимотеј
20.10.1951-24.11.0224

Почина Тимотеј Дебарско-кичевски — македонски владика, митрополит на Дебарско-кичевската епархија. Роден во Младо Нагоричане, Кумановско со световното име Славе Јовановски. По изборот за епископ на 20 септември 1981 година хиротонисан е за архијереј на МПЦ во црквата „Свети Димитриј“ во Скопје. Од 21 септември 1981 година е Митрополит Австралиски и администратор на Дебарско-кичевската епархија. Со Австралиската епархија раководел до 1995 година, потоа со Дебарско-кичевската епархија како Митрополит Дебарско-кичевски сè до неговата смрт. Беше еден од најистакнатите претставници на МПЦ, познат по својата посветеност на православната вера и грижа за заедницата.

Почивај во мир

ПОСЛЕДЕН ПОЗДРАВ

Оливера Николова
11.03.1936-04.11.2024

Нѐ напушти една од најзначајните наши писателки. Беше една од најплодотворните, најнаградувани и најчитани македонски писателки. И покрај богатата книжевна историја, Оливера Николова е најпозната како автор на првиот градски лик во македонската книжевност – Зоки Поки. Со преку 50 години активна книжевна кариера, таа успеа да ги освои највисоките награди и признанија, меѓу кои „Стале Попов,“ „Рациново признание,“ „Роман на годината“ и престижната награда „ПрозАРТ“ за придонес во развојот на балканската литература. Оваа година беше одликувана со Орден за заслуги за Македонија, признание кое ја заокружи нејзината посветеност кон книжевноста.
Нејзиното книжевно наследство ќе продолжи да инспирира и идни генерации.

Почивај во мир

Почина еден од најреномираните македонски поети, прозаист и преведувач

Михаил Ренџов
25.08.1036-08.10.2024

„Животот е како вруток. А, врутокот е во детството и младоста, доба исполнета со забава. Токму тоа време е основа на творештвото на секој автор. Секој човек, па и поетот, е како испосник, кој во себе го носи тоа време и додека е жив, создава и твори. Затоа, само детсвото и младоста не се забораваат“ Почивај во мир, нека ти е лесна земјата.

Последен поздрав

Проф. Др. Димитар Јуруковски
1942-2024

Почивај во мир пријателе, сеќавањето на тебе ќе биде вечно.

Од соработниците

Др. Александар Ивановски
15.11.1946-26.03.2024

Остана голема болка по неговото заминување. Беше извонреден човек, општествен работник, добротвор. Изгубивме прекрасен и благороден човек. Беше наша гордост и ќе биде засекогаш. Почивај во мир.

Од пријателите